વાંકાનેર : વાંકાનેરની પ્રસિદ્ધ કિડ્ઝલેન્ડ ઇંગ્લિશ પ્રાઇમરી સ્કૂલના પટાંગણ ખાતે આવતીકાલે રાજ્ય સરકારમાં પાણી પુરવઠા મંત્રી શ્રી કુંવરજીભાઈ બાવળીયા તથા રાજકોટ સંસદીય મત વિસ્તારના સાંસદ શ્રી મોહનભાઈ કુંડારીયા તથા અખિલ ભારતીય કોળી સમાજના પ્રદેશ અધ્યક્ષ શ્રી ચંદ્રવદન પીઠાવાલાનો સન્માન સમારોહ તથા સર્વજ્ઞાતિય સ્નેહમિલનનો કાર્યક્રમ આયોજીત કરવામાં આવ્યો છે.
આ કાર્યક્રમમાં સર્વધર્મના તથા સર્વસમાજના લોકોને આવતીકાલે તારીખ 21/12/2019 શનિવારે, બપોરે 2:30 કલાકે કિડ્ઝલેન્ડ ઈંગ્લીશ પ્રાયમરી સ્કૂલ, જડેશ્વર રોડ, દૂધની ડેરી આગળ, મોટીવાડી રોડ ખાતે ઉપસ્થિત રહેવા આમંત્રિત કરવામાં આવ્યા છે.
આ કાર્યક્રમનું આયોજન વાંકાનેરના કોળી સમાજના મહિલા અગ્રણી તથા અખિલ ભારતીય કોળી સમાજના પ્રદેશ ઉપાધ્યક્ષ શ્રીમતી જિજ્ઞાસાબેન મેર તથા કિડ્ઝલેન્ડ ઈંગ્લીશ પ્રાયમરી સ્કૂલના ચેરમેન ચિરાગભાઈ પુજારા, પ્રિન્સિપાલ મેહુલભાઈ શાહ, માંધાતા સમસ્ત કોળી સમાજ ગ્રુપના પ્રમુખ મુકેશભાઈ ધરજીયા, માંધાતા એજ્યુકેશન એન્ડ ચેરીટેબલ ટ્રસ્ટના ઉપપ્રમુખ શૈલેષભાઇ જાંબુકીયા દ્વારા કરવામાં આવ્યું છે.
