આજકાલ દેશભરનાં યુવાનોમાં PUBG નામની એક એન્ડ્રોઇડ ગેમનો ભારે નહીં પણ અતિભારે ક્રેઝ જોવા મળી રહ્યો છે. 30 થી 40 વર્ષની આધેડ વ્યક્તિ હોય કે 10 વર્ષનું નાનું બાળક જેને આ PUBG ગેમનો ચસ્કો એક વખત લાગી ગયો તેને આ ગેમની ડ્રગ્સ અને દારૂની જેમ આદત પડી જાય છે.
થોડા સમય પહેલાં જ બ્લુવ્હેલ નામની એક એન્ડ્રોઇડ ગેમ બહુ પ્રચલિત થઈ હતી જે અંતે ખેલાડીને આત્મહત્યા કરવા સુધી દોરી જતી હતી. જો કે જે તે સમયે ગુજરાતની રાજ્ય સરકારે આ ગેમ પર પ્રતિબંધ મૂકી સરાહનીય કામ કર્યું હતું. એ જ મુજબ હાલ PUBG ગેમ યુવાનોમાં માનસિક વિનાશ નોતરી રહી છે ત્યારે આ ગેમ પર પણ રાજ્ય સરકાર સંપૂર્ણ પ્રતિબંધ મૂકે તેવી માંગણી વાંકાનેરનાં એક યુવાન અલ્તાફ બ્લોચે રાજ્યનાં મુખ્યમંત્રીશ્રી ને કરી છે.
 |
| અલ્તાફ બ્લોચ - M - 99741 61161 |
અલ્તાફ બ્લોચે મુખ્યમંત્રીશ્રીને પાઠવેલા લેખિત પત્રમાં જણાવ્યું છે કે "PUBG ગેમને કારણે દેશભરનાં અને ખાસ કરીને ગુજરાતનાં યુવાધનને ભારે નુકશાન થઈ રહ્યું છે. યુવાનોમાં આ ગેમનું વળગણ અતિ કહી શકાય એ હદે વ્યાપી રહ્યું છે. આ PUBG ગેમનાં એનિમેશન અને ટાયર્સ મારધાડ અને એવા સંમોહિત કરી દેનારા હોય છે કે રમનાર ખેલાડીને સમય, પરિસ્તીથી, ઘર-પરિવાર કે લાગણી-ભાવનાઓની કંઇ જ પરવા નથી રહેતી અને કલાકો સુધી સતત ગેમ જ રમ્યા કરે છે. જે તેના પોતાનાં માટે તો નુકશાનકર્તા છે જ સાથે ઘર-પરિવાર વચ્ચે વિખવાદનું કારણ બને છે."
પત્રમાં એમ પણ જણાવવામાં આવ્યું છે કે "મારધાડ અને હિંસક દ્રશ્યોથી ભરપૂર એવી આ PUBG ગેમથી કોઈ પણ પ્રકારનો સહેજ'ય ફાયદો નથી જ. માટે રાજ્ય સરકારે આ ગેમ પર તાત્કાલિક ધોરણે સંપૂર્ણ પ્રતિબંધ મૂકી રાજ્યનાં યુવાધનને બચાવવું જોઈએ."
